Lincoln Centers of Albania

Fondacioni Abraham Lincoln i Shqipërisë është një institucion arsimor jo-fitimprurës, i cili fokusohet në edukimin dhe arsimimin e brezit të ri. Misioni i tij është të ofrojë arsimim të shkëlqyer për të gjithë shqiptarët, duke ndarë vlera morale dhe etike, si edhe duke shërbyer me dashuri.

Vlerat thelbësore të tij janë: Përulësia, Respekti, Integriteti dhe Përsosuria.

Fondacioni e filloi aktivitetin e tij në vitin 1997, nën drejtimin e një bordi me perfaqësues amerikanë në fushën e arsimit dhe biznesit. Sot, pas 27 vitesh pune profesionale dhe cilësore, ka ndikuar në jetët e 85,000 individëve (shqiptarë dhe të huaj).

Frymëzuar nga dëshira e ish-presidentit të SHBA-ës, Abraham Lincoln ‘që të gjithë të kenë një mundësi të barabartë në garën e jetës’, Fondacioni ‘Lincoln’ ka edukuar brezin e ri në gjuhën angleze e gjermane, si edhe në aftësi profesionale duke ofruar programe bashkëkohore, cilësi në mësimdhënie dhe mësues të kualifikuar dhe profesionistë.